HISTORIA LIBRI EXODI

CAPUT LXXII: De electione artificum, et datione tabularum

#Exod. XXXI

Vocavit etiam Dominus ex nomine, id est nominatim elegit, hujus operis summos artifices,Beseleel filium Huri de Tribu Juda, et Oliab ejus socium, sed minus peritum, filium Achisamech de Tribu Dan, quod implevit spiritu Dei, id est scientia, ad excogitandum in omne opere fabre faciendo. Completisque sermonibus his, dedit Moysi duas tabulas lapideas, digito Dei scriptas.